你又做過邊幾樣﹖
作者: 黃貽興
女人最不能接受的事實是: 男人背著你是另一個人，網上是另一個人，女同事面前是另一個人，舊情人面前又是另一個人。
沒有一個女人能完全看清男人的全部面向，尤其是老婆。
因為通常老婆都只看到老公好的那部份，陽光照射不到的陰暗位，只有見不得光的身份，例如情婦二奶第三者，才能鉅細無遺看的見。
因此，這位置的女人，才比較立體而全面地看到這個男人的好與壞，而教她們著迷﹑不捨得離開的，就是因為男人的時好時壞。
有時候，當第三者，並不因為這位置風光獨好，不過是景觀較開揚罷了。在這位置，男人背住女人做的事，她們都比較能看的見。
1. 打飛機 一定會做的事。太重要了，所以放在最頭。男人不明白，為什麼同居女友或妻子那麼討厭﹑抗拒他們背著她偷偷打飛機。
對女人來說，這是側面質疑她們的吸引力和重要性的有力證明，但對男人來說，打飛機和打機，其實都很像，不過是用來打發時間和減壓罷了。
2. 跟ex聯絡 十個男人九個背著女人都會做的事。msn又好，見面都好；主動又好，被動都好……打飛機也許還能忍，但跟ex聯絡這心癮，實在無法抗拒。
3. 喪打機 女人問男人做咩無精神，尋晚唔係一齊收線訓覺咩﹖男人支支吾吾，查實收左線偷偷開機打，爆唔到死唔熄機，咪天光囉。
打機乃男人情意結，死症。冇得講。
4. 玩電器 男人對機器的耐性比女人好，能長時間沉迷其中。不管是玩相機﹑Hi Fi﹑煲碟﹑電腦或者任何能入電的東西，摸來搞去，樂此不疲。
5. 睇鹹帶 無論有冇受過高等教育﹑本身質素高低，或者性生活正唔正常﹑滿唔滿意，男人都鍾意無無聊click上鹹網睇，素人自拍﹑明星走光……
6. 玩公仔 大把麻甩鍾意拎住d萌系公仔著衫除衫又摸又砌，扭蛋又好figure又好，如癡如醉，對住女友都冇咁溫柔，嚇死。
7. 翻睇周星馳 次次睇親都比女友嫌，但男人其實好鍾意自己一支公無無聊睇返周星馳d舊戲。但女人每次見到都會鄙視地「唼」一聲，同埋話男人白癡。
女人唔明男人點解成日翻睇周星馳，男人都唔明女人點解成日翻煲《Sex and the City》。
8. 人體奧妙展 冇女人響身邊，男人好鍾意盡情un腳﹑兀凳﹑唔著拖鞋四圍踩﹑唔沖廁唔洗手跟手仲拎野食。
男人一個人既時候好鍾意用手指搣下鬍鬚，唔俾女人幫佢擠背脊既暗瘡，但就自己用手亂擠酒米。
9. 做壞事 sms同異性flirting﹑偷會第三者﹑扮單身約女同事﹑朋友或者網友出黎食飯睇戲，都係男人背住女人會做既事。
部份低質素男人好鍾意偷偷?骨唱邪K北上跳舞甚至叫雞。驚未﹖
10. 咩都唔做 基本上男人背住女人最鍾意做又最多做既，就係咩都唔做﹑發呆﹑攤屍。
男人唔明，點解女人一知道男人無野做一得閒就default要陪佢，唔陪就係罪。
所以男人欺欺瞞瞞，可能都只係為左可以咩都唔做，咩都唔諗。難得清靜。
聰明的男人，只是盡量擴大並展示自己的光明面；然而聰明的女人，卻是懂得不去發掘男人的陰暗面，同時裝作自己亮麗簡單，沒有陰暗面，讓男人放心。
訂閱
文章
所有留言
